【日本東京尋勞記】Day1 東京新宿

日本東京尋勞記  東京新宿

Day 1 - 2月5日  星期四  雨雪

住宿: JR九州グループホテル新宿 (¥18700, 免費Wifi)

轉眼間已經有成十年無去過東京, 因為一向對購物興趣不大, 所以無特別諗去東京玩, 但最近想再買多隻勞力士潛水錶載下, 睇下睇下, 原來呢期興去日本買錶買威士忌, 原因係近幾個月日元貶值咗唔少, 錶價變相只係香港嘅八折, 甚至七五折, 所以在聖誕前拿拿聲買了香港快運機票, 雙人來回東京連一件寄艙行李及揀位, 只係3432港元, 非常抵玩 ! 不過出發前, 日本勞力士代理商宣佈由2月1日加價5至10個巴仙, 都係慢咗一步, 好失望呀 !

零晨機出發, 上機前先到Lounge食個消夜, 食物類種算係食過之中最多的一次

香港快運, 準時出發

而且比預定時間早了大半小時到達羽田機場

提早到步又無著數可以說係第一次, 因為要等遊客中心的票務處開門, 買Subway Pass, 雖然遊客中心已經開門, 但其票務處要到5:30才營業

Tokyo Subway 3-Day Ticket, 1500円, 可在連續三日內無限制乘坐東京Metro地鐵全線和都營地鐵全線, 100港元三日任搭, 絕對抵買

不過出機場還有一段路線不屬於Metro及都營線, 所以要多買一程車票, 京急線由羽田空港到泉岳寺站, 410円, 才可開始使用Tokyo Subway Pass

好耐未坐過日本火車了

先到酒店, 但希望落空, 未能提早Checkin, 放下行李後, 坐地鐵去原宿駅, 到東急Plaza內的Bills食個西式早餐

Cappuccino 580円及Mochaccino 680円

點了此店最高人氣食品, Ricotta hotcake, fresh banana and honeycomb butter 1350円, Hotcake比正常厚多兩、三倍, 未影完相, 已經塌晒, 視覺享受只有短短十多秒, 而味道只是不過不失

Chilli fried egg, bacon, rocket, spiced mango chutney and brioche roll, 950円, 味道反而有些驚喜

今日天氣很差, 所以以室內及尋勞為主, 先去東京站, 行下八重洲地下街及東京站一番街

東京站一番街內, 所有商店都係以卡通漫畫主題, 不過無乜特別

接著去大丸東京店睇勞力士, 出發前已經做定準備工作, 揾定13間Rolex代理店地址, 以及相關優惠券及資料, 例如大丸及松坂屋, 遊客只要到客戶服務處出示護照, 便可領取5%OFF優惠券, 一隻錶起碼慳返兩、三仟港元, 大丸優惠券

不過大丸東京店的Rolex, 只有三隻運動款鋼勞, 分別是GMT II綠針, 黑及白色的Explorer II, 想買的Rolex Deepsea, 以及Submariner一律無貨, 其實隻GMT II綠針都算抵買, 比香港平八、九仟港元, 可惜已經擁有GMT II藍針

本來想影下古色古香的東京車站, 但成朝都無停過雨, 所以怱怱離開, 過去髙島屋東京店的Rolex, 在地下街已經看到髙島屋的遊客優惠宣傳廣告了

先到客戶服務處換領優惠券, 張優惠卡非常精美, 然後上去６樓髙島屋東京店Rolex店, 今次所有運動款鋼勞一律無貨

再到日本橋三越本店的Rolex店, 今次先去確定有想買的錶款, 才去揾優惠券, 但所有運動款鋼勞一律缺貨, 之後坐地鐵轉戰渋谷區尋勞, 先到梅丘寿司の美登利本店醫肚, 等了20分鐘便有位, 眼見大部分人都點套餐, 所以選了兩款推介壽司套餐

沙律前菜

超特選ランチ, 2160円

なでしこランチ, 2160円, 新鮮好味, 以這個價錢來說, 非常超值

原本打算繼續到渋谷區及豊島區的四間Rolex店, 但雨越落越大, 所以提早返酒店小休, 回到新宿區時, 更落起雪來

今個旅行所住的酒店, 距離新宿車站南口, 步行只需兩、三分鐘, 隔離又有便利店, 都算幾方便

酒店大堂

酒店在2014年才開業, 所以房間夠新凈, 不過不算闊落, 只比一般商務酒店大些少

保險箱收納在櫃桶之內

另外的優點是浴室比一般倒模浴厠闊落

休息過後, 再出動去位於髙島屋新宿店, 小田急百貨新宿店, 及伊勢丹新宿店的Rolex店, 不過只有Explorer II, 無收獲, 其後在新宿區一帶流年, 邊shopping邊找食飯地方

久違了的歌舞伎町街

同伴叫我搵啲簡單而好味, 濕濕地又唔飽肚嘅晚餐, 咁不如食拉麵, 揀了桂花拉麵, 結果賴晒嘢

單單在東京區就有七間分店

桂花拉麵, 每碗720円, 由於今晚不太餓, 所以倍感難食

飯後繼續shopping, 發現了Big Camera crossover Uniqlo, 不但免稅, 而且銀聯卡再有5%OFF

步行回酒店時經過思出橫丁, 早知到思出橫丁揾食好過啦!

雖然唔好酒, 但旅行都會揾本地啤試下, 呢款都幾好飲

下一篇: 日本東京尋勞記 Day2