【日本東京尋勞記】Day3 東京車站

日本東京尋勞記  東京車站

Day 3 - 2月7日  星期六  多雲

行程: 東京車站 - 淺草 - 中野 - 新宿

住宿: JR九州グループホテル新宿 (¥22000, 免費Wifi)

行咗兩日, 幾乎所有勞力士運動鋼錶款都缺貨, 所以今日決定先到東京車站影相, 順便再去東京大丸睇下有無新貨到, 出發時途經新宿站周邊建築物, 今朝天氣好好 

古色古香的東京車站周邊全是高樓大廈

車站前有工程, 前景被圍版遮蓋, 真掃興

東京車站

站內

之後入大丸巡下

最後決定買花名大白橙的Explorer II

折合近五萬大元

大丸退稅非常快速, 一分鐘內攪掂晒, 約兩星期 就收到由日本, 以掛號形式寄出的保養書

路過東京一番街的爆谷店, 間嘢排晒隊, 龍尾有另一條隊, 隨時要排成個鐘先有得食

受細妹所託買蜜糖餅, 揾咗好耐, 原來間舖在東京JR站內, 要用140円買票入閘

蜜糖餅

差不多到了午飯時間, 因為之前搵咗幾間位於淺草區食鰻魚的老舖, 所以再次去淺草搵食, 午餐於初小川鰻魚店

店內裝修相信仍保持原來面貌, 不過其後看到寫著禁止拍攝, 自拍時被大叔看見, 叫我們不可拍照!

差不多要等超過三十分鐘才有得食, 仲要偷偷地用手機影

用鰻魚肝來做的湯, 只係50円

只有獨沽一味的鰻魚飯, 分為大、中兩種分量, 中的價錢是2900円

離開後, 到附近另一間老舖色川, 有人在排隊等候, 反而初小川就無人等, 可能色川會好食啲, 好似揀錯咗 !?

區內的巴士

再到吾妻穚影下, 不過下午天氣轉差了

飯後坐Metro到中野駅, 呢到的Nakano Broadway廣場, 除了買賣舊玩具外, 還有幾間買賣新、舊錶的水貨店, 好出名的

Nakano Broadway

漫畫店

買賣新、舊錶的龜吉

以及Jackroad, 目的係來睇下有無Deepsea, 只有一隻仲比人留咗, 好多香港人及台灣客會來呢度買錶, 個商場格局跟黃金有啲似, 我就無乜信心買喇, 大拿拿幾皮嘢, 制唔過 !

小路寳及大鐵人

另一個目的係去附近搵食

米之蓮三星的青葉拉麵本店

舖外有自助售票機, 中華拉麵730円

味道, OK啦

經過麵包店, 又買了新鮮芝士波, 204円

因為Metro由中野返新宿, 非常轉折, 車程約40分鐘, 所以改坐JR, 兩個站就返到新宿, 車費160円, 慳返啲時間

跟著又係食, 到Lumine地庫的Harbs餅店食Tea, 不過好多人, 又係要排隊, 所以外買算吧 !

揀了最有人氣的Mille crepes 780円, 另加Chocolate custard cake 700円

係時候返酒店小休, 沿途又去Shopping, 好大間的Comme Ca store, 百多元一件衛衣, 百多元一件小童外套, 好抵!

久違了的百果園, 現在已有自家舖位了

休息前先啤一啤

晚上再次出動, 在Yodobashi買了兩隻G-shock, 有得即時退稅, 銀聯及Visa再有5%折扣, 呢隻折合8867円

呢隻折合9975円

今晚晚餐揀咗高島屋的人形町今半, 食牛Shabushabu, 不過估唔到要等位

揀了最經濟的しゃぶしゃぶ套餐, 每位6048円

前菜

燉蛋

2人份量的牛肉

飯及拉麵

甜品, 可能係最平嘅餐, 味道只係一般

飯後, 揼著雨散步返酒店

今次飲過三款啤酒, 覺得第一款最好飲, 所以再買多罐, 加埋下午所買的蛋糕做消夜, 點知個雪櫃唔夠凍, 攪到蛋糕溶溶地, 味道大打折扣

上一篇: 日本東京尋勞記 Day2
下一篇: 日本東京尋勞記 Day4