2018年2月12日 星期一

【絕色挪威~郵輪之旅及自駕遊】Hurtigruten挪威郵輪

郵輪之旅及羅浮敦自駕遊  Hurtigruten挪威郵輪

Day 2 - 9月23日  星期六  間中天晴

行程: Kirkenes - Svolvær

住宿: Hurtigruten MS Nordlys (三日兩夜, Arctic Superior客房, 三餐, 免費Wifi, 咖啡茶任飲, 每位681歐)

開始第二日遊記前, 先寫一篇關於今次所乘搭的Hurtigruten郵輪, 船公司有十幾艘郵輪行駛挪威海岸行程, 北上方向的起點是Bergen, 直至到達北極圈內的Kirkenes, 再南下折返回到Bergen, 基本上北上及南下所途經的港口大致相同, 開始時我就理所當然地把它分成北上及南下的兩個行程, 實際上它是個循環行程, 由Bergen出發到Kirkenes, 再回到Bergen作終結, 全程十二天, 每天均有郵輪在Bergen出發, 雖然全程有十二天, 但有位的話, 乘客可選擇想乘坐的航段, 就如長途火車一樣, 今次我們乘搭的郵輪是MS Nordlys號, 由Kirkenes至Svolvær的一段南下航段, 航線如下(圖中所顯示的日子為旅程日子)
郵輪MS Nordlys號的資料
及各層平面圖
可能Kirkenes是南下航程起點的關係, 郵輪入口有職員負責處理行李, 核對姓名後便可登船, 到三樓服務台辦理入住手續, 職員隨後會把行李送到房間門口。入住手續的流程很簡單, 核對護照及訂房編號後, 就收到印有姓名房號的信封及房卡, 然後簽卡確認把船上的消費連系到房卡賬戶, 往後的消費只須嘟房卡
服務台經理交待幾句後, 就叫我們參閱信封內的資料及出席13:30的安全講座, 信封內的資料有郵輪簡介
時刻表, 列出所有港口到達及離開的時間, 大多數港口只停十五分鐘
收費活動列表, 每天都有幾項收費活動, 任君選擇
最後及最重要就是退房時間, 除幾個港口外, 退房時間一律皆為12:00, 中午過後至零晨才到達目的地的乘客必需注意, 可以到三樓櫃台要求延遲退房至落船時間, 費用每房計只需225克朗!如打算延遲退房的話, 緊記登船時一併辦理, 我就遲了一天才提出要求, 差啲無得延遲退房!
郵輪房間除了幾間套房外, 主要有三種客房選擇, 分別是Polar Inside(無窗房), Polar Outside(有窗房)及Arctic Superior(最貴及有窗房), 以三日兩夜計, 最平與最貴每位相差約100歐, 各種客房可選基本膳食plan(只包自助早餐)或Fullboard(包早午晚三餐), 今次揀最好的Arctic Superior房及Fullboard(包兩日早餐, 三日午餐, 及兩日晚餐), 選擇Fullboard會加送全程免費Wifi及咖啡茶任飲, 每位681歐。今次所住的Arctic Superior房在五樓, 房間有兩張單人床以曲尺方式擺放, 其中一張是沙發床, 放下椅背變為床, 床底或沙發兩邊各夠放兩個行李喼, 空間尚算寬敞, 比日本商務酒店房間大, 床舖浴厠亦乾淨清潔, 整體上雖然沒有豪華感, 但總算住得非常舒適
門口旁有三行衣櫃, 有足夠空間放置行李喼內所有衣物及物品, 方便把吉喼收藏在床底下
浴室不算太狹窄, 水溫及水壓都很好
房內有熱水壺及即冲飲品, 零食自備
房內電視, 只有幾個非英語的挪威電視頻道及郵輪頻道, 所以全程開著郵輪頻道, 方便觀看航道情況
最後是景觀, 比預期差, 因為部分窗景被救生船及其支架遮檔, 睇返房間分佈位置, 以景觀計, 我們所住的房間算係Arctic Superior之中最差的一間, 同層的Arctic Superior房亦不太好, 雖然有無遮檔的景觀, 但窗外就是走廊, 日間不時人來人往, 私隱度較差, 位置較佳的Arctic Superior房都在六樓
郵輪MS Nordlys號只能以樸實來形容, 毫無高級豪華可言, 七層的郵輪, 一樓是客人止步, 其他樓層都有一些普通設施, 二樓有Hurtigruten郵箱、診所及Sunna房
三樓是乘客出入口及服務台, 亦有行李儲存室及洗衣房
每次泊岸前, 都會在出口列明下站開船時間
每一層梯間都有個指南針
四樓平面圖
食、玩及Shop都集中在這層
大堂有大電視播放郵輪頻道
船上兩間餐廳都在這層, 第一間是Stjernesalen, 每日早、午、晚三餐都在這裡解決, 如果玩足全程, 就要食足三十幾餐!
另一間餐廳A la carte, 只在晚上開放, 買了Fullboard的乘客, 可補差價在這餐廳食晚餐
餐廳盡頭是圖書館
大堂旁邊有個咖啡Corner, 買了Fullboard的乘客, 可向職員取杯自助享用咖啡及茶
演講室, 每日都有幾個挪威語及英語講座
小孩遊樂室
五樓平面圖
五樓及六樓全是客房層, 五樓有條窄窄的室外走廊, 可環繞郵輪一周, 係我出沒最多的地方
當有特別景觀時, 就迫到水洩不通
不過大部分時間都無乜人
每當泊岸時, 走廊就聚集好多人等睇泊岸
客房之間的通道
六樓平面圖
五樓及六樓船尾都有個室外小平台
由七樓望返落去五樓及六樓的室外小平台, 當有太陽時, 啲人就出來晒日光浴
七樓平面圖
這層有Observation Lounge, 多數時間都係靜英英
飯後上來嘆杯茶, 睇著大海發下呆都幾盞
船頭是Panorama Lounge, 亦是全船最多人的地方
正面對著大窗的位置, 俾老友記們長期侵領
七樓仲有間小型健身室
船尾是個幾大的戶外觀景台
間中會在觀景台舉行吹水會, 其中一次係講一個古老傳說關於正在駛入的峽灣
船上有三位帶領活動的職員, 除負責帶隊收費活動外, 原來仲要兼顧每日船上講座及呢類吹水會, 三位職員正在以三種不同語言講呢個峽灣古仔
船尾的戶外位置, 當有陽光時, 就係全船最舒適的地方, 而且吹著海風一段時間, 頭髮都唔覺臘, 好似在湖上游船河一樣, 好舒服!

上一篇: 郵輪之旅及羅浮敦自駕遊 Day 1
下一篇: 郵輪之旅及羅浮敦自駕遊 Day 2

3 則留言:

  1. 我就覺得你係黃皮膚,蝦你唔係幾識講英文,就比間最差既房你囉。

    回覆刪除
    回覆
    1. 今次我又唔覺得係咁, 我反而覺得係將好房安排俾長程客, 同我們一齊checkin有對台客, 佢地就攞到6樓幾乎最好的房!另外, 對挪威人整體感覺唔錯, 大部分都好nice!

      刪除